ប្រភពរូបភាព DEA KH
បណ្ណាល័យជាឃ្លាំងចំណេះដឹងគ្រប់មុខវិជ្ជារបស់បញ្ញាវ័ន្ត និងអ្នកវិទ្យាសាស្ត្រដែលខិតខំស្រាវជ្រាវសរសេរ ចងក្រង គូរ ថតទុកជាស្នាដៃ ឬកេរដំណែលសម្រាប់មនុស្សជំនាន់ក្រោយធ្វើជាទុនស្រាវជ្រាវបន្តដើម្បី បង្តើតនូវអ្វីដែលថ្មី និងយក ចំណេះដឹងនេះទៅអនុវត្តក្នុងការរស់នៅ។
បណ្ណាល័យជាអ្នកផ្តល់ការអាន នូវសៀវភៅឯកសារជាច្រើនដល់សិស្សនិស្សិត សាស្ត្រា-ចារ្យ អ្នកសិក្សា ស្រាវជ្រាវ ពិសេសសម្រាប់អ្នកស្រាវជ្រាវដែលពុំមានលទ្ធភាពគ្រប់គ្រាន់ ក្នុងការទិសៀវទៅ។
ម្យ៉ាងទៀត បណ្ណាល័យក៏ជាកន្លែងប្រមូលផ្តុំនូវសៀវភៅ ឯកសារទស្សនាវដ្តី ទិន្នន័យក្នុងកុំព្យូទ័រ និង ជាប្រភពនៃការបង្រៀន ការរៀន ការអាន ដោយការបញ្ចាំង ការមើលតារយៈឧបករណ៍ផ្សេងៗ។
ក- បណ្ណាល័យជាកន្លែងផ្តល់ចំណេះដឹងបន្ថែមដល់អ្នកស្រាវជ្រាវបន្ទាប់ពីការរៀនសូត្រជាមួយគ្រូក្នុងការ ស្វែងយល់ពីចំណេះដឹងនិងមុខរបរផ្ទាល់ខ្លួនដើម្បីពង្រឹងនិងអភិវឌ្ឍន៍សមត្ថភាព ខ្លួនឯងនិងស្វែងយល់ព័ត៌មានថ្មីៗទាន់សម័យតាមអ៊ិនធឺណែត។
ខ- បណ្ណាល័យផ្តល់ការកំសាន្តបន្ធូរអារម្មណ៍ដែលស្មុគស្មាញដោយអ្នកអានស្វែងរកអានប្រលោមលោក រឿងព្រេងស្តាប់ចំរៀងឬរឿងកំប្លែង។
គ- បណ្ណាល័យបម្រើការសិក្សាស្រាវជ្រាវពីវប្បធម៌សង្គមនយោបាយសេដ្ឋកិច្ចវិទ្យាសាស្រ្ត។អ្នកសិក្សាស្រាវជ្រាវដែលត្រូវការព័ត៌មានទាំងនោះដោយពឹងផ្អែកលើឯកសារក្នុងបណ្ណាល័យ។
ឃ- បណ្ណារក្សជាអ្នកជួយថែរក្សាសម្បត្តិវប្បធម៌និងវិទ្យាសាស្រ្តដែលជាមរតកជាតិនិងអន្តរជាតិដោយធ្វើការអភិរក្សនិងបង្កើនធនធានឯកសារ។
បណ្ណាល័យទោះតូចឬធំក៏មានតួនាទីសំខាន់សម្រាប់ប្រជាជនក្នុងសង្គមហើយក៏ជាមជ្ឍមណ្ឌល់សំខាន់សម្រាប់ទំនាក់ទំនងនិងផ្តល់ព័ត៌មានដល់អ្នកស្រាវជ្រាវក្នុងមូលដ្ឋាន។បណ្ណារក្សជាអ្នកគ្រប់គ្រងថែរក្សាសៀវភៅឯកសារដែលជាសម្បត្តិជាតិនិងជាអ្នកជួយបំពេញបំណងអ្នកសិក្សាស្រាវជ្រាវទាំងអស់។
ប្រភពរូបភាព DEA KH